Tē ȧfȧf‘ȧk ‘on kạunohoga hat la väegat ‘e ‘os rogrog ne sok‘ạkim ‘e ‘on tạusa. Iạ hoa‘ ‘is se tēkäet ne ‘is la pō la ‘inea ne sei ‘isa ma ut ne ‘is leume. Tē ȧfȧf‘ạki hat tape‘ ma mạl ne sik ‘e tē sikiạg mạlu, ‘alpam häe mạlu, puk fạ‘i, ma puk ma peap pumua.
‘On la sapsap ma matmatạ‘ ne tē ȧfȧf‘ȧk ne ‘os kạunohoga ne fakput ma roam täe hunit ne tē ‘i la pō la noh roa ne ‘igkȧ‘. Puer‘ȧk ma sal lelei ‘i täla hạiasoagan ‘äe la matạ‘ua tē ȧfȧf‘ȧk ne ‘ou kạunohoag ta se fup famorit ne kankanamo.
Download
Mạl ne av ta ne ho‘am ‘e tē ȧfȧf‘ȧk ne mou se Pacific Islands Education Resource Centre (PIERC) ne kel‘ạkia le‘ puer mumuạ ne PIERC, Le Mamea Taulapapa Sefulu Ioane fạut ‘e fạu saghul ne 1970s.